Javier Rodríguez reelixido como Presidente da Liga Galega Traiñeiras
01 diciembre 2021 15:33:03
O pasado mércores celebrouse a derradeira Asemblea da Asociación Liga Noroeste, que tivo como punto principal o proceso de elección de Presidente para as próximas dúas tempadas.
Deste proceso saíu novamente elexido D. Javier Rodríguez Barros, por unanimidade sendo esta a única candidatura, e que polo tanto seguirá ao fronte da asociación e da Liga Galega de traiñeiras.
O Presidente pasou a comunicar a composición da Xunta Directiva:
Presidente/Tesoureiro - Javier Rodríguez (CR Salgado-Perillo)
Secretaria - Montserrat Canedo Souto (CR Rianxo)
Vogal- Jorge Rodríguez Crespo (CCD Cesantes)
Vogal - Esther Rial Sanjuán (CR Vila de Cangas)
O Presidente confirma a súa continuidade co desexo de dar un forte impulso á competición. As liñas de traballo pasan por dotar de maior protagonismo aos deportistas, mellorar a repercusión audiovisual, incrementar os apoios de patrocinadores privados e mellorar o aspecto organizativo das competicións.
O mandato terá unha duración de dous anos. A finais do 2023 repetirase este proceso.
Saúdos.